వినాయక చవితి : గణేషుడు ప్రసన్నుడైతే, శ్రేయస్కరం !
వినాయక చవితి
ఓం కలౌ కపి వినాయకౌ ! వినాయకచవితి పర్వదినం మొదలుకొని గణపతి నవరాత్రులలో వరసిద్ధి వినాయకుడుని కోరుకొనవలసినది క్షమాపణ పూర్వక సద్బుద్ధి మాత్రమే. అంతేగాని, ఒక కొబ్బరికాయ, నాలుగు ఉండ్రాళ్ళు సమర్పించి కోటి కోరికలు నివేదించకూడదు. ఆ స్వామి కరుణిస్తేనే తగిన జ్ఞానము, సంవత్సర పర్యంతం వివిధ దేవతలకు చేసే వ్రతం - పూజలకు, జప - హోమ – పారాయణలకు, తీర్థయాత్ర - క్షేత్ర దర్శనములకు ఫలితం, అనుగ్రహం లభిస్తుంది 🙌
ఇంతటి ప్రాముఖ్యమున్న సనాతన సంప్రదాయాన్ని విస్మరించినా, పూజించేవారికి నిర్లక్ష్యంతో ఆటంకము కలిగించినా, అటువంటి వారు కష్టాలలో పడతారు. యుగయుగాలుగా భారతదేశములో వినాయకుడుని విధిగా అర్చిస్తూ ఉండడము వల్లనే ఏ కార్యం తలబెట్టినా సఫలీకృతులై సిరి సంపదలతో, శుభిక్షముగా వర్ధిల్లారు. ఇప్పటికీ, దేశవిదేశాలలోని భారతీయులు అత్యంత భక్తి శ్రద్ధలతో వినాయక చవితిని దేదీప్యమానముగా జరుపుకుంటారు 👌
ప్రత్యేకించి, నేడు నెలకొన్న కష్ట కాలములో విఘ్ననాశకుడిని అన్ని విధములా అర్చించడం, ఇటు పాలకులకు, అటు ప్రజలకు ఎంతో శ్రేయస్కరం ! ఆర్భాటాలు ముఖ్యం కాదు. సరళముగా చేసినా భక్తియే ప్రధానం.
గం గణాథిపతయే నమః 🙏🏼
🎻🎶🎼🥁🎵🔔🎺📯🎷🎹🥁
⯁ శ్రీరామపాద భాగవతర్
https://www.facebook.com/Sriramapada.Bhagavathar/
https://www.youtube.com/@Sriramapada.Bhagavathar
facebook.com/Sriramapada
Note :
Rights reserved. Copy, alteration, reproduction is prohibited.
Sharing as it is permitted.
