మన ఊరు బాగుండాలంటే ఏమి చేయాలి ?
ఎటు చూసినా సమస్యలే !
మనం, మన ఊరు బాగుండాలంటే ఏమి చేయాలి ? ఒక పరిష్కారం.
ప్రతిరోజు ఉదయం స్నానం చేసిన పిదప, సూర్యుని ఎదుట లేదా పూజగదిలో నవగ్రహస్తోత్రం చదివి ఒక్క రూపాయిని హుండిలో వేసి, పోగు చేసిన మొత్తాన్ని, మాసాంతంలో వచ్చే శనివారం సాయంత్రం మీ ఊరిలోని పురాతన దేవస్థానంలో దీపారాధన చేసి గుడిలోని పూజారికి "కృష్ణార్పణం, పరమేశ్వరార్పణం" అని మనసులో చెప్పుకుని సమర్పించండి. ఇలా ఆ ఊరిలో అందరు చేయగలిగితే, అద్భుతం. దీని వలన వ్యక్తిగతంగా గ్రహదోష నివృత్తి అవ్వడమే కాకుండా, ఊరి వారందరు కలిసి సమిష్ఠిగా ఆ దేవాలయ ధూప, దీప, నైవేద్యాలకి పోషించిన వారై ఆ పరమాత్మ కృప కలుగుతుంది.
ఎక్కడో ఎవరికో వేలల్లో, లక్షల్లో ధారాదత్తం చేసేకంటే మన కులదైవాన్ని, గ్రామదేవతని, ఎంతో మహిమాన్వితమైన మన ఊరి పురాతన దేవాలయాలని సులభంగా భక్తితో ఈ విధంగా ఆరాధిస్తే అంతా మంచే జరుగుతుంది. ఇంటిల్లిపాది సంతోషంగా ఉండటానికి ఇది మంచి అవకాశం. ఆ ప్రాంతం శుభిక్షంగా ఉంటుంది. ఇది ధర్మ సూక్ష్మం !
⯁ శ్రీరామపాద భాగవతర్
https://www.facebook.com/Sriramapada.Bhagavathar/
https://www.youtube.com/@Sriramapada.Bhagavathar
facebook.com/Sriramapada
Note :
Rights reserved. Copy, alteration, reproduction is prohibited.
Sharing as it is permitted.
